Бæстæйы хицауад фæфылдæр кодта уазал доны хардз хынцæг гæрзтæ чи нæ сæвæрдта, уыцы цæрджыты уæлдæргæнæг коэффициент

Уæрæсейы хицауад дыууæ хатты фæфылдæр кодта уазал доны хардз хынцæг гæрзтæ чи нæ сæвæрдта, уыцы цæрджыты коэффициент — 1,5-æй 3-йы онг. Республикæйы доны куыстуаты куыд загътой, афтæмæй уынаффæ хаст æрцыд федералон æмвæзадыл. Уый хыгъд тариф нæ аивта æмæ доны кубометрæн ис раздæры аргъ. Ивддзинæдтæ хауынц сæ хæдзæртты нымайæн гарз сæвæрынæн техникон гæнæтæ кæмæн ис æмæ сæ чи нæ пайда кæны, уыдонмæ. Специалистты ныхасмæ гæсгæ, хынцæн гарзмæ гæсгæ, фидын хъæуы æрмæст хардз цы дон æрцыд, уымæн. Уый та нормативмæ гæсгæ фидынæй асламдæр слæууы. Сергей Меняйлойы бардзырдмæ гæсгæ, “Водоканал” цæрджыты льготон къордтæн счетчиктæ лæвар дæтдзæн, республикæйы бюджеты хардзæй. Ныхас цæуы æххуысцух бинонтæ, сидзæртæ æмæ сæрмагонд æфсæддон операцийы архайджытыл.