Бæстæйы хицауад сног кодта цардæн вазыгджын æмæ æнæмæнг хъæугæ хосты номхыгъд аразыны фæтк. Ныр фыццаджыдæр исдзысты нæ бæстæйы конд препараттæ.
Аивдзæн номхыгъдмæ цы хостæ бахæссинаг сты, уыдонæн аргъ кæныны фæтк дæр. Æнæниздзинад хъахъхъæнынады министрады къамис препараттæ уадзæгæн йæ курдиат куы нæ райса, уæд уымæн йæ бон уыдзæн йæ иртæстытыл ногæй бакусын æмæ бæлвырддæр информациимæ ног курдиат бадæттын. Уыцы медикаментты æргътæ æвæры паддзахад. Пайда та сæ фæкæнынц æнæмæнг медицинон фæдзæхстады полисмæ гæсгæ пациентты дзæбæх кæнгæйæ. Æмткæй райсгæйæ номхыгъды ис 820 хосæй фылдæр.
