Акци «Мы вместе»-йы бархионтæ та цæттæ сты коронавирусы ныхмæ тох кæныны хъуыддагмӕ се ‘вæрӕн бахæссын. Æппæтуæрæсеон адæмон фронт, бархионтæ-медиктæ, фæсивæдон комитет, фонд «Быть добру», ресурсон центр «Доброволец Кавказа», Уæрæсейы скъоладзауты змæлдимæ иумæйагæй ивгъуыд азы мартъийы мæйæ нырмæ æххуыс кæнынц цæрджытæн.
Коронавирусимæ уавæр æмæ æнæмæнг санитарон-эпидемиологон домæнтæ æххæст кæныны хъуыддаг бархионты куыстмæ бахастой ивддзинæдтæ. Фылдæр цæстдард, фыццаджыдæр, ис хистæр кары адæммæ. Ныртæккæ уыдонæн у иннӕтӕй тæссагдæр. Бархионтæ сын æххуыс кæнынц хъæугæ хостæ æмæ хойрæгтæ самал кæнынмӕ. Мадзалы бацархайын йæ бон у алкæмæн дæр. Уый тыххæй хъæуы интернеты тыгъдады хи срегистраци кæнын сайт dobro.ru-йы.
