Брюсселы, Бельгийы сӕйраг сахары, ссардтой, Дыккаг дунеон хӕсты чи фӕмард, уыцы советон салдӕтты ном. Мадзалы архайджытӕ сӕвӕрдтой дидинджытӕ, ӕрбахастой 2 чъирийы. Сфӕлхат кодтой райгуырӕн бӕстӕйы æгъдæуттæ, кæд мингай километртӕ дарддӕр сты, уæддæр. Хъазахъхъӕн тынг ахсджиаг у традицитӕ бахъахъхъӕнын.
10 азӕй фылдӕр Бельгийаг хъазахъхъаг ӕхсӕнад ӕвдисы не ‘мбæстæгты интерестӕ фӕсарӕнты. Уӕрӕсейы адӕмӕн паддзахадон тырыса сисын, уӕрӕсейаг музыкӕмӕ хъусын ӕмӕ райгуырӕн истори ахуыр кӕнын сты хуымӕтӕг, ӕрвылбоны хъуыддӕгтӕ. Фӕлӕ чи ацыд, уыдонæн уыцы архайд сси стӕм ӕмӕ зынаргъ.
Ацы хабар райдыдта 2008 азы. Уӕд Роман хъазахъхъыл нӕма хъуыды кодта. Йӕ сӕйраг нысан уыд ног культурӕйыл, бынӕттон адӕмыл сахуыр уӕвын ӕмӕ цард ногӕй райдайын. Фæсарæйнаг уавæртыл фæцал 4 азы бӕрцмæ. Уый фӕстӕ каст фӕци университет, байгом кодта бизнес ӕмӕ ӕрлӕууыд бельгийаг хъазахъхъӕгты ӕхсӕнады сӕргъы.
Ӕппӕты зындӕр хъуыддаг уыд ӕмзонд, ӕмвӕнд адӕймӕгты ссарын. Роман организацийы архайджыты агуырдта куыд Бельгийы ног граждӕнты ‘хсӕн, афтӕ эмиграцийы фыццаг уылӕны байзӕддӕгты ‘хсӕн дӕр, Сӕ бинонтӕ Европӕйы ныр 100 азы кӕмӕн цӕрынц, уыдоны ‘ хсӕн. Суанг ма, Уӕрӕсейы чи уарзта, уыцы адӕм дӕр ӕвиппайды нӕ разы кодтой хъазахъхъы ӕхсӕнадмӕ бацӕуыныл.
Ныртӕккӕ Бельгийы ис стыр хъазахъхъаг ӕхсӕнад. Фӕлӕ фӕстаг рӕстӕг, бацӕуын ӕм кӕй фӕнды, уыдоны нымӕц фӕкъаддӕр. Роман ӕй ӕмбарын кӕны уымӕй, ӕмӕ адӕмӕй бирӕтӕ хуымӕтӕджы тӕрсынц. Бельги йын сси дыккаг хӕдзар. Ам кусы, кӕны ӕхсӕнадон куыст ӕмӕ йӕ фӕллад уадзы. Райгуырӕн бӕстӕйӕ зын ацӕуӕн уыд ӕви нӕ, зӕгъгӕ, уыцы фарстӕн дӕтты цыбыр дзуапп: “Кӕй зӕгъын ӕй хъӕуы, зын у”.
Романы фӕнды йӕ райгуырӕн Ирыстонмӕ ӕрыздӕхын, фӕлӕ ӕмбары, ныртӕккӕ Брюсселы тынгдӕр кӕй хъӕуы, уый. Хъазахъхъы ӕхсӕнад йӕ куыст кӕны дарддӕр. Организацийы сӕйраг нысан у ныгуылӕйнаг дзыллон информацийы ӕнӕбӕлвырд информаци фӕмӕнг кӕнын ӕмӕ Европӕйы цӕрджытӕн ӕцӕг Уӕрӕсе ӕвдисын. Ӕмӕ уыцы архайд хӕссы ӕнтыстджын фӕстиуджытӕ.
