Беслæны тагъд æххуысы ног дæлстанцæйы автоклавтæ лæууынц хицæн агъуысты. Ифтонггонд сты нырыккон аппаратурæйæ. Уый ‘руаджы медицинон кусæнгæрзтыл æххæстæй бакусынц. Бæстыхайы сæвæрдтой сæрмагонд системæ, кæцы алы уаты дæр уæлдæф сыгъдæг кæны. Ног дæлстанцæ алцæмæй дæр æххæст у. Дзуапп дæттынц нырыккон домæнтæн.
Дæлстанцæйы кусдзæнис 58 адæймаджы. Тагъд æххуысы 5 брагады æмæ 6 сæрмагонд хæдтулгæйы. Лæггад кæндзысты 55 мин адæймагæн. Дæлцтанцæ байгом кæныны фæдыл кадджын мадзалы архайдтой медицинон кусджытæ, районы разамынд æмæ æнæниздзинад хъахъхъæнынады министр Тебиаты Сослан. Уый специалисттæн ракодта арфæ сæ ног бынаты фæдыл, йæ зæрдæ сын загъта æнтыстдзинæдтæ.
Суткæмæ Рахизфарсы районы тагъд æххуысы дæлстанцæмæ фæсидынц 40-æй 60 хатты. Кусæг къордæ лæггад кæнынц ацы ахсджиаг бон дæр. Уымæн æмæ сæйрагдæрыл нымайынц пациентты.
