Беслæны стадион «Пищевик» куы сног кæной, уæд та дзы æмбырд кæндзысты спортуарзджытæ. Ам цæудзæн 2 мин адæймаджы. Тренировкæгæнæн бынæттæй уæлдай дзы сараздзысты массажы уаттæ æмæ нырыккон тренажерон зал. Куыстыты уавæр сбæрæг кодтой нæ уацхæсджытæ.
«Пищевик»-ы стадионы тыххæй Беслæны алчидæр зоны. Горæты фæзынд 34-æм азы, Нартхоры комбинат кусын куы райдыдта, уæд. Кæддæр бынæттон спортуарзджытæ иууылдæр æмбыр кодтой ам. Уый фæстæ стадион заууат уавæрмæ æрцыд. Бирӕ азты дӕргъы йæ рацарæзтæн æхца нæ уыд. Фæрæзтæ ссрадтой ацы аз. Куыстытæ райдыдтой мартъийы. Сарæзой дзы уадзæн пункт, фидæны ног стадионæн фæзуат дæр бацæттæ кодтой. Уæдæ канализаци дæр ауагътой. Проект у егъау.
Беслæны футбол уæлдай тынг уарзынц. Чысыл спортсментæ ныртæккæ архайынц, стадионы фарсмæ цы фæз ис, уым. Ног стадионмæ зæрдиагæй æнхъæлмæ кæсынц. Стадионы бынат уыдзæн 2 000 адæймагæн. Йæ алфамбылай фæзындзæн рухсгæнæнтæ. Байтаудзысты дзы цъæх кæрдæг. Объект аразынц Беслæны райрæзты генералон пъланмæ гæсгæ. Специалисттæ кусынц æнæрлæугæйæ. Объект хъуамæ сцæттæ уа ацы аз.
