Ахуырдзауты спартакиадæйы фæлгæты Челябинскы ацыд турнир рог атлетикæйæ. Хуыздæр спортментæ тох кодтой тымбылӕг æхсынæй, дæргъмæ æмæ хæрдмæ гæпп кæнынæй, уыимæ згъорынæй. Йæхи дзы æнтыстджынæй равдыста не ‘мзæххон Никита Великоцкий. Олимпаг резервы скъолайы хъомылгæнинаг рамбылдта сыгъзæрин майдан.
Вазыгджын турниры размæ Никита Великоцкий уый æнхъæл нæ уыд, æмæ рамбулдзæн. Спартакиадæйы агъоммæ Уæрæсейы ерысты рӕстӕг йæ нуæрттæ аивæзта. Йæ къах спортивон залы æмбыд пъолы ныссагъд.
18 азы кæуыл нæма цæуы, уыдоны ‘хсæн чемпионатмæ нал ацыд. Йӕ ных сарæзта Челябинскы спартакиадæмæ. Æххуыс ын кодтой хостæй. Фæлæ йæм аллергийæ разынд. Йæ къухтæ æруадзыны ввонг куы уыд, уæд æм йæхиуæттæ фæкастысты. Æмæ спортсмен ноджы тыхджындæр разынд. Раздæры рекордæй дыууæ секунды фæраздæр. Ныр у Уæрæсейы ног рекордсмен. 110 метры цæлхдуртимæ фæндаг атахт 13 секунд æмæ 48 миллисекундмæ. Рог атлеткæйы ахæм æнтыст йӕ къухы куыд бафтыд, уый тыххæй Никита ницыуал хъуыды кæны. Раст цыма йын уыцы рæстæг иу уысммæ атахт, афтæ йæм кæсы. Æрмæст ма уæлахизы хъæр фæкодта.
Йæхиуыл фервæссын лæппу нæ хъавы. Уымæн ын рæстæг дæр нæй. Фылдæр хæслæвæрдтыл кусгӕйӕ, ног фæлварæнтæм цæттæ кæны. Йæ тыхтæ йæ фæнды бавзарын Уæрæсейы хуыздæр рог атлеттимæ. Ног бæрзæндтæм тырнын æнцондæр у, дæ фарсмæ æмбаргæ тренер куы уа, уæд. 11-аздзыдæй йæ Олимпаг скъоламæ куы райстой, уæдæй фæстæмæ лæппуйæн фæлтæрдджын тренер амынддзинæдтæ дæтты. Цæуыл тыхса Никита, уый та уыд. Лæппу ссыд Курскæй æмæ фыццаг хатт бахауд рог атлетикæйы секцимæ. Ноджы ма раст куыд улæфын хъæуы, уымæ дæр. Фæлладуадзæн бонты рæстæг æрвитын хъæуы пайдаимæ. Фидæны Никитайы фæнды балцы ацæуын, стæй та уæд ног тыхтимæ тренировкæтæм раздӕхдзӕн.
