Дзæуджыхъæуы цæуынц фæззыгон-зымæгон рæстæгмæ цæттæгæнæн куыстытæ. Ныридæгæн 44 хъармгæнæн пунктæй 25 цæттæ сты. 105 куыстуатæй та — 86. Уый тыххæй хъусын кæнынц «Дзæуджыхъæуы хъармгæнæн хызæгтæй».
Неведомскийы номыл уынджы 9-æм хæдзары цы куыстуат ис, уым раивтой хæтæлтæ, сбæрæг кодтой донцъирæнты куыст. Сæ техникон уавæр разынд хорз. Къостайы проспекты 225-æм хæдзары хъармгæнæн та æххæссы 40 бирæфатерон цæрæнуатыл. Ифтонг у фæсарæйнаг гæрзтæй. Фарон ам къуылымпыдзинæдтæ нæ уыд, æлæ дзы профилактикон мадзæлттæ уæддæр скодтой. Автоматикон системæйы куыстмæ цæстдард цæуы æппынæдзух. Доваторы уынджы 67-æм хæдзары куыстуаты та ивынц æртæ донтæвдгæнæн гарзы æмæ 200 метры дӕргъӕн хæтæл. Фæззыгон-зымæгон рæстæгмæ ма баззад дыууæ мæйы, уыцы рæстæгмæ æппæт куыстытæ бакæндзысты. Горæты хъармгæнæнты фылдæрæн сæ куыст раивтой автоматикон хуызмæ. Ныртæккæ ахсджиагдæр у горæтмæ дæрддзæф чи сты, уыцы фæзуæттæм базилын.
