Бирæсывæллонджын мадæлтæн ныр сæ бон у пенсийы раздæр ацæуын

Бирæсывæллонджын мадæлтæн фадат ис пенсийы раздæр ацæуынæн. Ног гæнæнæй спайда кæнæндзысты, сæ фæдзæхстадон стаж 15 азæй къаддæр кæмæн нæу, уыцы сылгоймæгтæ. Хи коэффиценты бæрæггæнæн та, æппынкъаддæр, 30. Фондз, кæнæ фылдæр сывæллæттæ кæмæн ис, уыдонæн сæ куыстадон архайд фæуыны бар ис, 50 азы сыл куы сæххæст уа, уæд. Кæд æмæ бинонтæ 4 сывæллоны хъомыл кæнынц, уæд пенсийы ацæуæн ис 56 аздзыдæй, æртæ сабийы мад уæвгæйæ — 57-аздзыдæй. Уыимæ, кæстæр сывæллоныл хъуамæ сæххæст уа 8 азы. Куыстадон стажмæ ма хауы æнæфæдзæхстадон æмгъуыд дæр. Зæгъæм, сабимæ кæсыны рæстæг , цалынмæ йыл афæдз æмæ 6 мæйы нæ сæххæст, уæдмæ. Фæлæ уыцы рæстæг иумæйагæй 6 азæй фылдæр хъуамæ ма уа.