Æвæллайгæ куыст, дæсныйадыл æнувыддзинад æмæ рæзгæ фæлтæры хъомыладмæ ахадгæ бавæрæн. Цæгат Ирыстоны сæргълæууæг Битарты Вячеслав арфæйы ныхæстæ ракодта республикæйы ахуырады къабазы кусджытæн.
Ахуыргæнджытæ абон бæрæг кæнынц сæ профессионалон бæрæгбон. Битарты Вячеслав куыд фæбæрæг кодта, афтæмæй ахуырады кусджытæ кæнынц егъау куыст, гом кæнынц зонындзинæдты къæбицы дуæрттæ, æххуыс кæнынц, æрмæст кæсын æмæ фыссын сахуыр кæныныл нæ, фæлæ ма æцæг патриот суæвыныл.
«Скъолаты ӕмӕ иумӕйагӕй ахуырады къабазы ныртæккæ цæуы бирæ ивддзинæдтæ. Фылдæр архайынц йе сног кæныныл. Ахӕм уавӕрты рæзы зондамонджыты бæрнондзинад дӕр, нырыккон технологитимæ æмдзу кæнынц æмæ, ныры дуджы авналæнтæ хынцгæйæ, размæ къахдзæфтæ кæнынц» – фæнысан кодта Цæгат Ирыстоны сæргълæууæг.
