Чайковскийы номыл скъолайы цæуы æппæтадæмон музыкалон конкурс

Дзæуджыхъæуы райдыдта регионты ‘хсæн 21-æм музыкалон конкурс “Наши надежды”, зæгъгæ. Ацы аз архайджыты нымæц бирæ у. Бæстæйы алы бынæттæй дыууæ сæдæ æрыгон музыкантæй фылдæр ерыс кæндзысты фондз номинацимæ гæсгæ. Пианино, уадынгæрзтæ, тæнон æмæ адæмон инструменттæ. Музыкæйы бæрæгбон цæуы Чайковскийы номыл фыццæгæм скъолайы бындурыл. Ахæсдзæн 2-æй 7-æм мартъимæ. Мадзаларазджыты ныхæстæм гæсгæ, сæйраг нысан – ног курдиæттæ ссарын. Æркаст расидтысты горæты администрацийы æххуысæй. Æвзонг чызджытæ æмæ лæппутæн аргъ кæндзæн Уæрæсейы адæмон артисткæ Гергиты Ларисæ.