Дзанайты Барис сарӕзта ӕмбырд Президенты фӕдзӕхстытӕ ӕххӕст кӕныны фӕдыл

3.03.2026 14:28

Бӕстӕйы хицауад ӕмӕ республикӕйы ӕххӕстгӕнӕг оргæнты размӕ цы хӕстӕ ӕвӕрд ис, уыдон баст сты регионы царды социалон рӕзтимӕ.

Дзанайты Барис сарӕзта ӕмбырд Президенты фӕдзӕхстытӕ ӕххӕст кӕныны фӕдыл. Бӕстӕйы хицауад ӕмӕ республикӕйы ӕххӕстгӕнӕг оргæнты размӕ цы хӕстӕ ӕвӕрд ис, уыдон баст сты регионы царды социалон рӕзтимӕ. Лæбырдтытæй тæссаг бынæттæй ралидзыны тыххæй фехъусын кодта арӕзтад ӕмӕ архитектурӕйы министры фыццаг хӕдивӕг Тъехты Алан. Профилон федералон бæрнадмæ лӕвӕрд ӕрцыдысты, сӕ хӕдзӕрттӕ лӕбырдтытæй тæссаг бынӕтты кӕмӕн сты, уыцы бинонты бӕлвырдгонд номхыгъдтӕ. Уымӕй уӕлдай, пъланы — Республикон онкодиспансеры рацарæзт. Ацы аз ын бацӕттӕ кӕндзысты проектон-хыгъдон гæххæттытæ. Бардзырдты хыгъды — Дзӕуджыхъӕуы фондз хиды сног кæнын дæр. Хъуамæ проектон документацийыл къӕпхӕнгай бакусой ӕмӕ объектты нормативон уавӕрмӕ ӕркӕной. Ныхас ма цыд былгӕрӕттӕ фидар кӕныныл. Ацы фарста лыггонд цæуы Дзуарыхъӕуы, рады — Ногхъæу æмæ Суадаг. Ӕмбырды архайджытӕ хицӕн ӕргом аздӕхтой Ӕппӕтадӕмон культурон-патриотон центр “Беслæн. 1-æм скъола”-йы музейы экспозици саразынмӕ. Уӕ зӕрдыл уын ӕрлӕууын кӕнӕм, куыстыты фыццаг къæпхæн фӕци 2025 азы. Дыккаг ӕххӕстгонд ӕрцӕудзӕн ацы азы майы кӕронмӕ.

Предыдущий материал

Чайковскийы номыл скъолайы цæуы æппæтадæмон музыкалон конкурс

Следующий материал

2026 азы Мӕздӕджы бындуронӕй сцалцӕг кӕндзысты сывӕллӕтты рӕвдауӕндон “Забава”