Черменхъæуы хъыгдард æнæниздзинадимæ адæмæн бацæттæ кодтой концертон программæ

“Человеку нужен человек” – ахæм сæргондимæ проект æххæст кæнынц психоневрологон низтимæ сывæллæттимæ. Йæ сæйраг нысан у фæсивæды фарсмæ балæууын. {ЗК} Æгас Уæрæсейы журналисттæ баиу сты, цæмæй хъыгдард æнæниздзинадимæ адæммæ фылдæр æргом здæхд цæуа. Нæ республикæйы мадзал саразыны хъæппæрис разынд газет “Северная Осетия”-йы сæрмагонд уацхæссæг Гуыбыраты Зæлинæмæ. Амалхъом адæмы æххуысæй сарæзтой æцæг бæрæгбон. Хæрзауыдæн хæдзары бархионтæ бацæттæ кодтой музыкалон программæ æмæ бынæттон цæрджытæн радтой лæвæрттæ.