10 стыр секвойядендроны ныссагътой горæты парк «Дендрарий» -ы. Талатæ республикæйæн балæвар кодтой, хæдтулгæтыл балц чи кæны, уыдон: Александр Морозов, Николай Баландинский, уыимæ «Этичный горожанин» фонды президент Аврора Спиридонова. Александр æмæ Николай бабæрæг кодтой зæххы къорийы 61 бæстæйы. Сæ балц у 90 мин км фылдæр. Секвойяйы гуыркъотæ æрбаластой Калифорнийы националон парк Редвудæй. Дыккаг хатт сӕ дунеон балц райдыдта 19 сентябры.
Экспедицийы райдиан сфæндкодтой сæ маршрутыл аллейæтæ æмæ къохтæ ныссадзын. Æппæты хуыздæр климат секвойяйæн у Цæгат Кавказ. Уымæл æмæ хъарм боныхъæд сын у пайда. Цæгат Кавказы федералон зылды ныссагътой 140 бæласы. Дзæуджыхъæу – кæронбæттæн горæт. Дарддæр бæлццæттæ араст уыдзысты æндæр бæстæтæм.
