Доййаты Давиды ном – Керчы скъолайæн

Керчы скъолатæй иу нырæй фæстæмæ хæсдзæн Советон Цæдисы хъæбатыр Доййаты Давиды ном. Ахæм уынаффæ рахастой горæты бынæттон администрацийы депутаттæ. Доййаты Давид уыд старшина. Уæлдай тынгдæр бацархайдта Керчь бахъахъхъæныныл. Фашисттæй йæ суæгъд кæныны тохты равдыста стыр æхсар æмæ хъæбатырдзинад. Ныббырстыты рæстæг рæстдзæвин уæвгæйæ баурæдта знаджы 12 æхсæн бынаты. Амардта знаджы æфсады 200 салдат æмæ афицерæй фылдæр. 1943-æм азы 12 ноябры йыл нæмыг суад æмæ фæмард. Паддзахады Сæйраг Советы Президиумы уынаффæмæ гæсгæ Доййаты Давидæн йæ амæлыны фæстæ радтой Советон Цæдисы хъæбатыры ном. Баныгæдтой йæ Керчы. Цыртдзæвæн ын сæвæрдтой йæ райгуырæн Джызæлы дæр. Йæ ном ын хæссы хъæуы 2-æм скъола.