Республикæйы донæй æфсадæг куыстуатæн бантыст йæ хæстæ сæхгæнын. Доны хызæгтæ сног кæныны проектмæ гæсгæ федералон бюджетæй радтой фæрæзты дыккаг хай. Йæ фæрцы бафыстой 107 млн сомы. Ныр куыстуат сси æфтиагдж
Ахæм куыстытæ Длинно-Долинская уынгыл нæ цыдысты 70 азы. Уыцы рæстæгмæ хæтæлтæ баихсыдысты, уыдысты ивинаг. Хъуыддагмæ бавнæлдтой ивгъуыд къуыри. Специалистты ныхæстæм гæсгæ, техникон зындзинæдтæ хынцгæйæ, куыстытæ фæнд кæнынц цыбыр рæстæгмæ фæуын.
Владикавказская уынджы та хæтæлæй дон хъары æмæ ацы бригад фарста иуварс кæны. Боны дæргъы куыстытæ фæуыдзысты. Доны куыстуаты специалисттæ куыд зæгъынц, афтæмæй хæтæл афаз. Рæстæмбисæй, бонмæ бригад æрзилы 3-4 адрисыл.
Æмæ фæстаг æхсæз мæймæ доны куыстуат 400 ахæм аиппæй къаддæр нæ аиуварс кодта. Авариты нымæц дæр зыгнæ фæкъаддæр — 35-ы онг бонмæ. Дон къаддæр кæй хъары, уый тыххæй электрон тыхæй фиддонтæ дæр фæкъаддæр сты. Республикон донæй æфсадæг куыстуат “Россети”-йæ хæс нал дары. Ахæм бæрæггæнæн къухы фыццаг хатт бафтыд. Бафыстой 107 милуан сомы. Уый федералон бюджетæй траншы фæрцы.
Техникон къуылымпыдзинæдтæ аиуварс кæныныл дарддæр куыст цæуы. Куыстуаты бæрны бакодтой Кировы æмæ Æрыдоны районтæ дæр. Уым филиалтæ ифтонг сты техникæ æмæ аварион резервæй. Дарддæр — Мæздæджы æмæ Рахизфарсы районтæ.
