Донбассы уавæры фæдыл Уæрæсейы президент Владимир Путин рахаста уынаффæ æфсæддон операци райдайын. Нæ бæстæйы разамонæджы ныхæстæм гæсгæ Донбассы æмæ Луганскы адæмон республикæтæ Уæрæсемæ æххуысмæ фæсидтысты. Операцийы нысан — 8 азы дæргъы Киевы нысангонд фæтк, фыдракæндтæн чи быхсыдта, уыцы адæмы цард бахъахъхъæнын. Владимир Путин фæнысан кодта, Уæрæсе кæй архайдзæн Украинæйы демилитаризаци æмæ денацификацийыл.
Донбассы хуымæтæг цæрджытæн уал азы знаггад чи хаста, уыдоны та хъæуы закъонмæ гæсгæ бафхæрын, бафиппайдта Уæрæсейы президент.
