Доны куыстуаты специалисттæ Дзæуджыхъæуы Дружбæйы районы ногæй ивынц доны хæтæлтæ. Æвæрд æрцыдысты 60 азы размæ. Арæх иу аскъуыдысты. Уый фæдыл иу дзуапдæттæг куыстуаты аварион-диспетчерон службæмæ æппынæдзух дзырдтой.
Фарста аиуварс кæнын æмæ пайдагæнджыты хæрзхъæд лæггæдтæй сæххæст кæнынæн Доны куыстуаты сфæнд кодтой раздæры коммуникацитæ баивын. Уый тыххæй специалисттæ сæвæрдзысты ног, полиэтиленæй конд хæтæл. Уаццаджы дæргъ у 130 метры. Сæмбæлдысты зындзинæдтимæ дæр. Мæры бынты уагъд ис къорд коммуникацитæ. Электрон тыхы, канализацион æмæ газы хæтæлтæ. Цæмæй хъыгдæрд ма баййафой, уый тыххæй кæцыдæр бынæтты къахын хъæуы къухæй.
