Дыууæ мин æмæ æрдæг къоппасæры быны ныссагътой чекистты Аллейы

Дыууæ мин æмæ æрдæг къоппасæры быны ныссагътой чекистты Аллейы. Сапицкийы фæлладуадзæн бынат саив кодтой Цæгат Ирыстоны паддзахадон медицинон академийы студенттæ. Сæ ‘хсæн медицинон-профилактикон, дзæбæхгæнæн-педиатрон факульттеты фыццагкурсонтæ. Фæсивæд ма дзæуджыхъæуккæгты уарзондæр бынат ссыгъдæг кодтой быронæй æмæ хæмпæлгæрдæгæй. Æххуыс сын кодтой горæты зæрдæхæлар адæм. Пайдайаг акци саразыны хъæппæрис разынд Цæгат Ирыстоны сæргълæууæджы æххуысгæнæг Хъуыссæты Мæирбегмæ. Ацы фæлладуадзæн фæзуатмæ йæ хъус рагæй дары. Сæмбырд кæны бархионты æмæ иумæйагæй базилынц территоримæ. Къоппасæртæ ракалдзысты уалдзæджы. Сæ фарсмæ ма сын ныссаддзысты гортензитæ, хурмæзилæгтæ, уардитæ æмæ суанг нæзытæ дæр. Сапицкийы фæлладуадзæн бынатæн хъæздыг истори ис. Ахсджиаг у нæ хистæртæ цы ныууагътой, уыдонæн аргъ кæнын, – загътой акцийы архайджытæ.