Дзӕуджыхъӕуы уыд ерыстӕ падел-теннисӕй. Ацы аз сæ сарæзтой дыккаг хатт. Турниры архайдтой 40 фӕлтӕрдджын ӕмӕ райдайгӕ спортсмены. Уыдон хъазыдысты цыбыр матчтӕ, системӕ “американо”-мæ гæсгæ. Алкæцыдӕр-иу ахаста 10-æй 15 минуты онг, æдæппæтæй 6-7 раунды. Турниры — 3 категорийы: нӕлгоймӕгтæ, сылгоймӕгтæ ӕмӕ къӕйттæй. Уӕлахиздзаутӕ райстой майдантӕ, грамотӕтӕ ӕмӕ лӕвӕрттӕ спонсортӕй.
Падел у ног спорт Цӕгат Ирыстонӕн. Йæ рæзтыл кусынц январӕй фӕстӕмӕ. Тренерты ныхӕстӕм гӕсгӕ, хъазджыты нымӕц тагъд рӕзы, уымæн æмæ алкӕмӕн дӕр ӕнцонвадат у. Домæнтæ ӕмӕ техникӕ цырд сахуыр кӕнӕн ис. Хъазт йӕхӕдӕг у динамикон ӕмӕ зӕрдӕмӕдзӕугӕ. Дзӕуджыхъӕуы администрацийы куыд фæбæрæг кодтой, афтæмæй хъазтæн ис бӕрзонд социалон ахадындзинад.
