Сыгъдæг зонæмæ бахизыны размæ уал æнæмæнг дезинфекци. Афтæмæй лаборатори бахъахъхъæнæн ис микробтæй. Нырыккон технологон комплексы ахуыргæндтæ аразынц æмбал кæмæн нæй ахæм иртæстытæ адæймаджы буары клеткæты æм молекулярон биологийы æмвæзадыл.
Раздæр та сæ нымадтой микроскопмæ кæсгæйæ. Уымæн иу бирæ рæстæг бахъуыд. Ныртæккæ ацы гарзы æххуысæй архайд цæуы автоматикон хуызы, уыимæ цырддæр. Микробиологон æдасдзинады бокс, туаггуыры инкубатор, микроскоп, уазалгæнæнтæ. Лаборатори æххæст у нырыккон ифтонггæрзтæй. Уыдоны руаджы ахуыргæндтæ фылдæр кæнынц адæймаджы буары, сæрымагъзы æмæ æндæр клеткæтæ парахат кæнын. Сæ цæстдардимæ фылдæрæй фылдæр кæнынц.
Сæкæрниз, рæгмæ чи гас кæны, ахæм хъæдгæмттæ, адæймаджы æнæниздзинадæн стыр зиан чи хæссы. Арæх алыхуызон уæззау низты аххосæй адæймаджы буары кæцыдæр хæйттæ нал фæкусынц. Лабораторийы кусынц йæ хъомыс чи фесæфта, уыцы клеткæты куыст сног кæныныл.
Адæймаджы буары клеткæты технологиты лаборатори биомедицинон иртæстыты дзæуджыхъæуккаг наукон центры байгом кодтой дыууæ азы размæ. Ныридæгæн дзы кусы æрмæст 4 адæймаджы. Æппæты кæстæрыл цæуы 28 азы. Алтынбек Ислаев наукон куыст кæнын райдыдта медицинон академийы студент уæвгæйæ. Уый фæстæ йæ Кокайты Ромеш фæхуыдта лабораторийы кусынмæ.
Биомедицинæйы къабазы ног къæпхæн. Лаборатори у иунæг æгас Цæгат Кавказы. Ныридæгæн нæ ахуыргæндты фæнды уæлæмхасæн ифтонггæрзтæ самал кæнын, цæмæй ноджы фылдæр иртæстытыл кусой.
