Мæнæ ахæм æххуыс бацæттæ кодтой Дзæуджыхъæуы 45-æм скъолайы ахуырдзаутæ. Голладжы – сусæггæнæн хызтæ бийынæн хъæугæ æрмæг, уыимæ ма бирæ рæстæг æмæ тыхтæ. Ахуырдзаутæ сæ педагогтимæ иумæ фæсурокты сæмбырд вæййынц кабинеты æмæ райдайынц хъуымац хæйттæ кæнын.
Джергаты Ангелинæйы æрмæг цæттæ кæнын сахуыр кодта Сотаты Жаннæ. Англисаг æвзаджы ахуыргæнæг фыццаг йæхæдæг райдыдта хызтæ бийын, куыд бархион. Стæй бабæрæг кодта медколледж æмæ федта студенттæ иумæйагæй хызтæ куыд цæттæ кæнынц, уый. Сразæнгард æмæ сфæнд кодта сæ фæлтæрдзинадæй спайда кæнын, æрбангом кодта йæ ахуырдзауты. Фылдæр сæхи бафæндыд. Багаты Алыбеджы фыд- Зауыр сæрмагонд æфсæддон операцийы архайы фыццаг бонтæй.
Кæстæр кълæстæн æххуыс кæнынц хистæркъласонтæ. Фидæны рауагъдонтæ сæ ахуыр кæнынц æрмæг раст дих кæнын, лæмбынæг цæст дарынц æппæт архайдмæ дæр. Томайты Сослан фыццæгтæй иу у, хызтæ бийын чи райдыдта. Лæппуйы уырны сæ куыст стыр æххуыс, кæй у, уый.
Медицинон колледжмæ фæсивæд цæуынц къуыри дыууæ хатты. Семæ æрбахæссынц æрмæг æмæ цалдæр сахаты фæбийынц хызтæ. Сотаты Жаннæ фæсидт ахуыргæнæндоны директор Реуазты Таймуразмæ. Уый сæххæст кодта æппæт архайд æмæ студентты арвыста дæсныйад æвдисæг ахуыртæ амонынмæ.
Сæйрагдæр у рухс фидæныл ныфс дарын, зæгъы ахуыргæнæг. Алы хыз дæр конд у уды хъармимæ, нæ хæстонты хæстæгдæр кæнынц уæлахизмæ. Уый та ууыл дзурæг у æмæ тагъд рæстæг раздæхдзысты хæдзармæ, сæ бинонтæм.
