Дзæуджыхъæуы администраци æркаст срæмыгъды рæстæг хъыгдард цы хæдзæрттæ баййæфтой, уыдоны уавæрмæ

13.04.2026 19:32

Горæты администрацийы сæргълæууæг Милдзыхты Вячеславы амынддзинадмæ гæсгæ, бынаты райдыдтой арæзтадон-цалцæггæнæн куыстытæ, ныртæккæ ивынц бæстыхæйтты сæртæ, барынц рудзгуытæ, къултæ æмæ цартæ.

Дзæуджыхъæуы администраци æркаст срæмыгъды рæстæг хъыгдард цы хæдзæрттæ баййæфтой, уыдоны уавæрмæ. Горæты администрацийы сæргълæууæг Милдзыхты Вячеславы амынддзинадмæ гæсгæ, бынаты райдыдтой арæзтадон-цалцæггæнæн куыстытæ, ныртæккæ ивынц бæстыхæйтты сæртæ, барынц рудзгуытæ, къултæ æмæ цартæ. Специалистты ныхæстæм гæсгæ, хæстæгдæр рæстæг сног кæндзысты пырх конструкцитæ. Бынаты ма кусынц «Россети»-йы специалисттæ. Срæмыгъды рæстæг хъыгдард цы цæджындз баййæфта, уый баивтой, сног кодтой электрон тыхы телтæ. Уæ зæрдыл уын æрлæууын кæндзыстæм, горæты мэри хъыгдардбаййафджытæн арвитдзæн иухаттон материалон æххуыс 10 мин сомы адæймагæн. Фыццаградон хъæугæ дзауматæ чи фесæфта, уыдонæн фиддон уыдзæн 50 мин сомы. Сæ хæдзæрттæ хъыгдард кæмæн баййæфтой, уыдонæн та 100 мин сомы бафиддзысты Дзæуджыхъæуы администрацийы фæстауæрцгæнæн фондæй. Æвирхъау цауы рæстæг фехæлд 25 хæдзары.

Предыдущий материал

Æвзонг нывгæнджыты равдыст байгом сывæллæтты республикон чиныгдоны

Следующий материал

Уадзæн пункт “Уæллаг Ларс”-ы байгом кодтой хъармгæнæн пункттæ