Коронавирусы хæцгæниз апарахат ма руадзыны мадзæлттыл æрдзырдтой Дзæуджыхъæуы администрацийы. Мэрийы кусджытæй 70 адæймаджы ныртæккæ сты рынчын. Æмбырд амыдта разамонæджы фыццаг хæдивæг Томайты Хъазыбег.
Транспорты управленийы хицауадæн бахæс кодта Къостайы номыл проспекты æмæ Æрыдойнаг уынджы фæндæгтыл æдасдзинады фарстатыл бакусын. Куыстытæ æххæстгæнæг организацийы специалисттæ сæ хæстæ нæ баххæст кодтой. Трамвайы фæндæгтæ æмæ хауæццæгтæ æмбырд кæнæн люктæ нысангонд домæнтæн дзуапп нæ дæттынц.
Хъæуы сыл ногæй бакусын. Дзæуджыхъæуы цæрæуæттæ-коммуналон хæдзарады та хъæуы Цоколайы-фырты номыл уынджы тротуар сног кæнын.
