Дзæуджыхъæуы æхсæнадон байхъуыстыты хатдзæгтæ Цæгат Ирыстоны прокуратурæ домы мæнгыл банымайын

Дзæуджыхъæуы æхсæнадон байхъуыстыты хатдзæгтæ Цæгат Ирыстоны прокуратурæ домы мæнгыл банымайын. Ныхас цæуы Доны станцæйы бæстыхæйтты комплексы арæзтадыл. Сергей Меняйломæ пресс-конференцийы рæстæг ацы фарст радта нæ телеканалы уацхæссæг. Уæд сæргълæууæг фехъусын кодта, Доны станцæйы ныртæккæ сæххæст кодтой доны рацарæзты фыццаг къæпхæн. Дыккаг та уал аргъæвтой, цалынмæ цæрджытæ сæхæдæг уынаффæ рахæссой, уæдмæ. Цæгат Ирыстоны прокуратурæ сарæзта басгæрст. Рабæрæг кодтой горæты арæзтады закъонады домæнты фæткхæлдтытæ. Ныхас цæуы генералон пъланмæ ивддзинæдтæ бахæссыныл, Дзæуджыхъæуы фæзуаты арæнтæ сбæрæг кæныныл. Уый хыгъд Доны станцæйы зæххы хайыл дæр. Æхсæнадон байхъуыстыты хатдзæгтæ растыл банымайæн нæй. Дзæуджыхъæуы муниципалон сконды сæргълæууæджы бафхæрдтой закъоны бындурыл. Уыимæ Доны станцæйы рацарæзт дарддæр цæуы контрактмæ гæсгæ. Куыд æххæстгонд уыдзæн уымæ кæсдзæн прокуратурæ.