Дзæуджыхъæуы ахæстоны кусæджы азым кæнынц, йæ æнæмæтдзинады аххосæй адæймаг кæй амард, уый тыххæй. Слестгæнæн æрмæджытæм гæсгæ, 2021 азы 10 октябыры æхсæвы, азымджыны куысты рæстæг, №1 колоннийы хæрæндоны 9 ахст адæймаджы карз хуызы хæлдтой ахæстоны фæтк.
Фæстæдæр сæ дыууæйы ’хсæн рауад хъаугъа, æмæ сæ иу, раздæр кусынмæ лæвæрд кардæй барæхуыста иннæйы. Кардæй цæфтæ æрцыдысты йæ гуыбын æмæ тъæнгтæм, æмæ рынчындоны амард. Ахæм цау æцыд, ахæстоны хъахъхъæнæг фаг бæрнон цæстæй кæй нæ каст йæ куысты хæстæм, уый тыххæй. Ныртæккæ слестгæнджытæ æвзарынц хъуыддаджы æууæлтæ.
