Цæгат Ирыстоны 18 ветераны балæвæрдтой курдиæттæ преми “Возвращение”-мæ

Цæгат Ирыстоны хæстон архайды 18 ветераны балæвæрдтой курдиæттæ æппæтуæрæсеон преми “Возвращение”-мæ. Расидтис æй “Фыдыбæстæ Хъахъхъæнджыты” фонд. Конкурсы архайынц, хæдзармæ æрыздæхыны фæстæ æнтыстджынæй чи кусы, спортивон, сфæлдыстадон æмæ æхсæнадон архайд чи кæны, уыцы æфсæддонтæ. Æххуыс кæнынц иннæ адæмæн æмæ рæзын кæнынц регион. Курдиæттæ исыны æмгъуыд адарддæр кодтой 31-æм августмæ, уымæ гæсгæ ма ныридæгæн ис хи ныффыссыны фадат. Сæргълæууæг Сергей Меняйло йæ телеграм-каналы куыд фæбæрæг кодта, афтæмæй се ’нтыстытæ хъусдарды аккаг кæмæн сты, ахæм ветерантæ республикæйы бирæ ис. Регионы разамонæг ма бафиппайдта, преми «Возвращение» æвдисы, ветерантæ сабыр царды дарддæр ахсджиаг хъуыддæгтæ куыд кæнынц, уый, æмæ Ирыстон сæрыстыр у уыдонæй алкæмæй дæр.