Дзæуджыхъæуы ацæргæ адæм æмæ инвалидтæн райдыдтой хæдзар-интернат аразын

23.04.2024 20:05

Регионы сæргълæууæг йæ хъус дардзæн ахсджиаг проекты райрæзтмæ.

Дзæуджыхъæуы ацæргæ адæм æмæ инвалидтæн райдыдтой хæдзар-интернат аразын. Уыдзæн дзы 200 бынаты. Æххæст уыдзæн æппæт уавæртæй дæр. Уый тыххæй йæ телеграм-каналы фехъусын кодта Сергей Меняйло. Дыууæуæладзыгон бæстыхай æрбынат кæндзæн Доны станцæйы ‘рдыгæй. Объекты уыдзæн иубынатон, дыууæбынатон æмæ æртыбынатон агъуыстытæ, химæ зилæн бынæттæ æмæ санузелтæ. Дукани, тезгъо кæнынмæ æнцонвадат фæндæгтæ. Уыдзæн ма дзы чиныгдон, компьютерон кълас, кинозал, спортивон зал, хæрæндон, процедурон кабинеттæ. Æппæт уавæртæ сараздзысты хъыгдард æнæниздзинадимæ цæрджытæн дæр. Хуысгæ рынчынтæн хайад. Ныридæгæн объект ис цæттæгæнæн къæпхæныл. Регионы сæргълæууæг йæ хъус дардзæн ахсджиаг проекты райрæзтмæ. Раттынвæнд æй кæнынц 2026-æм азы.

Предыдущий материал

Тускъаты Таймуразы разамындæй уыд парламенты æмбырд

Следующий материал

Цæгат Ирыстоны цæуы æфсæддон-патриотон хъазт “Зарница”

Читайте также

Все новости