Æвзæрстыты агъоммæ республикæйы æхсæнадон палатæйы ацыд кæронбæттæн æмбырд. Ныхас дзы цыд 9-æм æмæ 10-æм сентябры иумæйаг хъæлæсгæнæн бонмæ цæттæгæнæн мадзæлттыл.
Бæстонæй æрдзырдтой æхсæнадон цæстдарджыты цæттæдзинадыл. Сæ номхыгъд ныридæгæн нысангонд æрцыд. Уыдон сты дыууæ политикон парти æмæ цалдæр æхсæнадон куыстуаты минæвæрттæ. Цæстдарджытæ сæрмагонд программæмæ гæсгæ ацыдысты ахуыртæ. Республикæйы æхсæнадон палатæйы сæрдар Нина Чиплакова куыд фæнысан кодта, афтæмæй хыгъды фæфылдæр сты æрыгон адæм. Сæйрагдæр у, цæмæй æвзæрстытæ рауайой æргом æмæ закъонмӕ гӕсгӕ раст. Æмбырды ма равзæрстой хæдбар æхсæнадон мониторингы ассоциацийы доклад. Ныхас дзы цыд информацион тыгъдады мæнгдзинад парахат кæныны фарстатыл.
Ацы азы фæццæгæм февралæй æмткæй райсгæйæ æгас бæстæйы нысангонд æрцыд 126 мин алыхуызон мæнг хъусынгæнинаджы. Канд Æрмæст кандидаты тыххæй на парахат кæнынц фæлитой цаутæ, фæлæ сæйрагдæр фæархайынц æмткæй æвзæрстыты цыдыл сахадын. Ахæм цаутæ æнæмæнг æруадзæн нæй.
