Дзæуджыхъæуы ацыд акци «Зонынад. Хъæбатыртæ». Мадзал расидт уæрæсейаг æхсæнад «Знание».
Проект бæстæйы 22 регионы йæ тыхы бацыд абон. Нæ республикæйы æххæстгонд цæуы Цæгат Ирыстоны паддзахадон университетимæ иумæ. Æгас бæстæйы студæнттæ æмæ скъоладзаутимæ ныхас кæнынц Уæрæсейы Хъæбатыртæ, сæрмагонд æфсæддон операцийы архайджытæ, ахуыргæнджытæ, бархионтæ. Фембæлдтæ цæуынц лекцитæ, дæсныйадæвдисæн ахуыртæ ӕмӕ æргом ныхасы хуызы. Университеты студенттæ базонгæ сты Хæстон æфсымæрады минæвæрттимæ.
