Дзæуджыхъæуы ацыд “Англия-Россия. Коварство без любви”, зæгъгæ, чиныджы презентаци

Нæ бæстæйы æмæ Английы ‘хсæн ахастдзинæдты фæдыл уæрæсейаг журналисттæ скодтой егъау историон иртæстытæ. «Точка кипения»-йы залы ацыд Армен Оганесяны æмæ Игорь Прокопенкойы чиныджы презентаци Иван Грозныйы замантæй уырыссаг-бритайнаг историон ахастдзинæдты тыххæй. Фыст æрцыд документалон киноныв «Англия-Россия» Коварство без любви»-мæ гæсгæ. Мифологи æцæг цаутæй ахицæн кæнын æмæ æнусы дæргъы геополитикон ныхмæлæудæн аккаг аргъ скæнын. Ахæм хæс лæууыд авторты размæ. Армен Оганесяны дыууæ бæстæйы ахастдзинæдтæ цымыдис кодтой æрыгонæй фæстæмæ, уæд уацхæссæгæй куыста советон радиойы. Чиныгæн бахъуыд афæдз æмæ æрдæг. Æппæты зындæр уыд архивтæ ссарын. Æнцой кодтой Уæрæсейы Фæсарæйнаг хъуыддæгты министрады документтыл æмæ Æдасдзинады Федералон службæйы бæрæггæнæнтыл. Кæцыдæр хъуыддæгтæ мыхуыргонд æрцыдысты фыццаг хатт. Къухы бафтыд фæсарæйнаг æмкусджытимæ дæр бацархайын. Чиныджы ссарæн ис дзуæппытæ дæсгай фæрстытæн.