Донæй æфсадæг куыстуаты специалисттæ Дзæуджыхъæуы 5 уынджы баивтой дондзæуæн хæтæлты 2,5 мин метры. Хызæгтæ сног кодтой Курская, 9-æм январы, Кошевойы, Армянская æмæ Декабристты номыл уынгты. Ныридæгæн цалцæггæнæн куыстытæ фæвæййынц Гончаровы номыл уынджы дæр. Специалисттæ дзы баивтой дондзæуæн хæтæлты 162 метры. Пайда кæнæн сæ уыдзæн æппынкъаддæр 50 азы. Уынджы ма сæвæрдтой гидранттæ. Хæтæлтæ ивгæйæ, кусджытæ сæмбæлдысты къуылымпыдзинæдтимæ дæр – донвæдмæ хæстæг ма цæуынц электрон тыхы, хауæццæгтæ æмбырдгæнæн æмæ телкоммуникацион телтæ. Бригад хæтæлтæ ауагъта хызæгты иувæрсты.
Æппæт куыстытæ сæххæст кæнынæн бар радта Дзæуджыхъæуы администраци. Афтæмæй, ныр та баивдзысты фæндаджы уæлцъар. Куыстуаты спецалисттæ рагацау баныхас кодтой фæндаггон службæимæ, цæмæй цæрджытæ къаддæр къуылымпыдзинæдтæ æййафой.
