Дзæуджыхъæуы байгом хæрзаудæн равдыст “Искусство СВОим”

Абон Дзæуджыхъæуы байгом хæрзаудæн равдыст “Искусство СВОим”. Республикæйы национ музейы адæмы размæ рахастой 70 куысты. Проекты архайджыты ‘хсæн Уæрæсейы адæмон æмæ сгуыхт нывгæнджытæ. Куыстытæ æххæстгонд сты алыхуызон техникæ æмæ тематы фæдыл. Фæлæ сæ сæйраг нысан у иу – сæрмагонд æфсæддон операцийы ахайджыты фарсмæ балæууын. Бынаты ис балхæнæн зæрдæмæдзæугæ нывтæ. Æхцайы фæрæзтæ æрвыст цæудзысты сæрмагонд æфсæддон операцийы архайджытæн æххуысæн. Равдыст абон байгом кодтой кадджын уавæры. Мадзалы архайдтой Тускъаты Таймураз, Нывгæнджыты цæдисы минæвæрттæ æмæ цæрджытæ. Республикæйы Парламенты сæрдар Тускъаты Таймураз куыд фæбæрæг кодта, атфæмæй равдыст у нæ æфсæддонтæн аргъ кæныны нысан. Мадзал ахæсдзæн 31-æм мартъийы онг.