Дзæуджыхъæуы байгом педагогон фæлтæрддзинад уæлдæргæнæн центр. Сарæзтой йæ ахуырады кусджыты дæсныйад уæлдæргæнæн республикон институты бындурыл. Компьютерон кълæстæ, фотостуди, лабораторитæ. Æппæт кабинеттæ дæр ифтонг сты нырыккон техникæйæ. Аудиториты кусæн ис куыд къордтæй, афтæ иугæйттæй дæр.
Центры хæс у педагогон кусджыты профессионалон рæзтæн æмбæлгæ уавæртæ саразын. Кусдзысты дзы сæрмагонд ахуырадон программæтыл. Хуыздæр практикæтæ бæрæг кæндзысты æмæ сæ дарддæр парахат кæндзысты. Мадзалы уазджыты ‘хсæн уыд республикæйы ахуырад æмæ наукæйы министры хæстæ рæстæгмæ æххæстгæнæг Алыбегты Эллæ æмæ регионы педагогон къабазы кусджытæ.
Бафтаудзыстæм ма уый, æмæ центр байгом кодтой нацпроект «Ахуырад»-ы фæлгæты.
