Сбæрæг сты профессионалон æркаст «Хуыздæр журналистон куыст – 2021»-ы хатдзæгтæ. Сæйраг номинацийы фæуæлахиз Æппæтуæрæсеон Падзахадон телерадио компанийы филиал Падзахадон телерадио компани «Алани»-йы директор Хъуысаты Тимур йæ сæрмагонд репортаж «Ковид-госпиталь. Между жизнью…»-имæ.
Кады гæххæттæй нысангонд æрцыд «Осетия-Ирыстон» телеуынынады амонæг æмæ тематикон хайады хистæр редактор Зыхъуаты Жаннæ. Равдыстмæ бахаста документалон киноныв «Человек с Земли». Уæлахиздзаутæ хорзæхджынгонд æрцæудзысты Сочийы 25-æм юбилейон нырыккон журналистикæйы Форум «Вся Россия – 2021»-ы.
