Дзæуджыхъæуы байгом уыдзæн æрмадз “Арион”-ы равдыстыты зал

Дзæуджыхъæуы байгом уыдзæн æрмадз “Арион”-ы равдыстыты зал. Æрмгуысты дæснытæ ныр бирæ азты дæргъы æндидзын кæнынц скифтæ æмæ сæрмæтты культурæ. Хи залмæ рагæй бæллыдысты æмæ сæ нысанмæ æвæллайгæйæ цыдысты. Ныридæгæн уал ам æрбынат кодтой дæсгай экспонаттæ. Зæгъæм, нæлгоймаджы æмæ сылгоймаджы рагон уæлæдарæс, хæцæнгарз. Тагъд рæстæджы коллекци баххæст уыдзæн хæдзары дзауматæй. Æрмдæснытæ фæнд кæнынц скъоладзаутæн æмæ республикæйы уазджытæн ахуыртæ саразын. Равдыстыты зал байгом уыдзæн ног къуыри, бабæрæг кæнын æй алкæй бон дæр уыдзæн. Ныртæккæ ма дзы цæуынц фæстаг аивгæнæн куыстытæ. Уазджытæн ма цалдæр экспонаты цæттæ кæнынц, се ‘хсæн – артдзæст къонайы рæхысимæ.