Национ технологион хъӕппӕрисы ӕхсӕнадон змӕлды ног хъуыдытӕ ӕмӕ технологиты фестивалы цы 9 регионтӕ архайдтой, уыдоны ‘хсæн Цæгат Ирыстон дæр. Мадзалы архайынц скъоладзаутæ, студенттæ æмæ нæ бæстæйы регионтæй разамонджытæ. Æдæппæтæй сæ нымæц у 300 мин. Сæ бон уыдзæн аныхас кæнын зындгонд ахуыргæндтимæ кæнæ хи бафæлварын алыхуызон дæсныйæдты. Бæлвырддæр нæ дарддæры æрмæджы.
Архитектор, дохтыр, фермер кæнæ электрикы дæсныйæдты хи бафæлварын. Архайын дронимæ æмæ ног 3D-проекттæ аразын. Алыхуызон къабæзты райрæзтæн фестивалы бындурыл уыцы иу рæстæг кусынц конференцитæ, æркæстытæ æмæ лекцитимæ дæсгай бæстыхайы.
Мæ зæрдæмæ тынг фæцыд конференцийы инновацион технологитимæ баст темæ. Уыимæ ма, канд скъолайы кæстæр кълæсты ахуырады секциты нæ, фæлæ æндæрты дæр. Мæнмæ гæсгæ, æрыгон ахуыргæнджытæн уый, æнæмæнг, уыдзæн ахъаз.
Мадзалы уазджытæн сæ бон у зындгонд ахуыргæндтæ æмæ амалхъом адæмимæ аныхас кæнын. Равдыст «Будущее обыденно»-йы гæнæн уыдзæн базонгæ уæвын виртуалон царды сусæгдзинæдтимæ. Республикæйы куыстуæттæ та адæмы размæ рахæсдзысты сæ куыстытæ æмæ радзурдзысты сæ æнтыстджынддæр проектты тыххæй.
Мах абон сахуыр стæм нырыккон технологитæй пайда кæнын. Фæлæ арæх нæ ахъуыды кæнæм, кæцæй нæм фӕзындысты, ууыл. Форумы фæрцы ахуырдзаутæн гæнæн уыдзæн фенын уыцы дуне.
Фестивалы сæйраг хæс – курдиатджын фæсивæды фарсмæ æрбалæууын. Ахсджиаг у, цы хъуыдытæ сæм ис, уыдон царды ауадзынæн аккаг уавæртæ аразын. Уыцы хæс йæ сæйрагдæрыл нымайы нæ республикæйы хицауад дæр.
Фестивалы фæлгæты ам цæудзысты алыхуызон конференцитæ, равдыстытæ. Æвдисдзыстæм дзы, нæ Ирыстон цæмæй хъæздыг у, уый. Равдисдзыстæм, нæ республикæйы инновацион технологиты къабаз кæй рæзы. Уый тыххæй алы архайæгæн дæр лæвæрд цæуы сæрмагонд бæстыхай.
Националон технологион хъӕппӕрисы ӕхсӕнадон змӕлды ног хъуыдытӕ ӕмӕ технологиты фестиваль ахæсдзæн 2 къуырийы. Бацархайынæн дзы хъæуы æрмæстдӕр проекты сайты хи срегистраци кæнын.
