Уæрæсейы президент Владимир Путин арфæ ракодта «Большая перемена» æппæтуæрæсеон конкурсы уæлахиздзаутæн æмæ финалисттæн. Мадзалы кæронбæттæн ацыд æппæтадæмон центр «Артек»-ы.
Путины ныхæстæм гæсгæ, абоны ахуырдзаутæй аразгæ уыдзæн нæ бæстæйы фидæн. «Большая перемена» æнгом кæны сæдæгай мин æрыгон адæмы. Иу хъуыдыйыл хæст уæвгæйæ, ацы æхсæнады аргъ кæнынц алы адæймагæн дæр. Æххуыс дзы кæнынц хи цардвæндаг ссарынӕн. Финалистты ‘хсæн ис Цæгат Ирыстоны минæвар – Елхотты бирæпрофилон колледжы студент Бицъоты Георгий.
