Аудитрийæ сыбыртт дæр нæ хъуысы — æрмæст компьютерты амонæнты къæрцц-къæрцц. Архайджытæ сæ хæслæвæрдтыл лæмбынæг кусынц. Хъуамæ саразой этикеткæйы дизайн. Рæстæг сын радтой æртæ сахаты.
Анна Бурдули ахуыр кæны Полиграфи æмæ дизайны технологон колледжы. Йæхи сфæнд кодта IT-фестивалы бафæлварын. Куыд рабæрæг, афтæмæй сæмбæлд бирæ ногдзинæдтыл.
Тексты редакторы документтæ æмæ презентаци раст скæнын. Ацы фæзуатыл ерыс кæнынц “Офис-эксперттæ”. Æхсызгон уый у, æмæ дзы архайыны фадат ис, ацы здæхтмæ гæсгæ чи нæ ахуыр кæны, ахæм фæсивæдæн дæр. Дзæуджыхъæуы электроникæйы колледжы IT-фестиваль райдыдта 16 декабры. Ныртæккæ ма цæуынц хакатонтæ, сфæлдыстадон æрмадтæ, дæсныйадæвдисæг ахуыртæ, IT-квиз.
IT-фестиваль у æрвылазон, цæуы 4-æм хатт. Архайынц дзы республикæйы астæуккаг ахуырады уагдæтты студенттæ. Фидæны æрбахондзысты уæлдæр ахуыргæнæндæтты минæвæртты дæр. Хатдзæгтæ скæндзысты райсом, 20 декабры.
