Сфæлдыстадон тыгъдад «Булгаков.Начало» фæнд кæнынц байгом кæнын Дзæуджыхъæуы. Ацы хъæппæрис разынд республикæйы экскурсоводтæ æмæ гидтæ-тæлмацгæнджыты ассоциацимæ. Сæ проектимæ хуыздæртæ разындысты кейс-чемпионаты. Хъуыдыимæ сразы ис горæты администрацийы сæргълæууæг Милдзыхты Вячеслав.
Активисттæ равзæрстой бынат дæр – Балайы фырт æмæ Маяковскийы номыл тигъыл цы бæстыхай ис, уый. Ам кæддæр цард йæхæдæг Михаил Булгаков. Ныртæккæ дзы фыццæгæм уæладзыджы ис коммерцион агъуыст. Хæстæгдæр рæстæг ныхас кæндзысты йæ хицæуттимæ, цæмæй иумæйаг хъуыдымæ æрцæуой. Хæдзары уыдзысты зындгонд фыссæджы æрмæджытæ æмæ къамтæ. Фæнысан кæндзыстæм, хæдзар кæд байгом кæндзысты, уый бæрæг нæма у.
