Спорты ног галуан æрбынат кодта Морских пехотинцев уынджы. Бæстыхайы уыдзæн паделæй æмæ стыр теннисæй хъазæн корттæ, тренажертимæ залтæ. Объект хъуамæ уа бæстæйы 3 стырдæр падел-центртæй иу. Ныртæккæ уал аразджытæ сæххæст кодтой бæстыхайы каркас. Хъуамæ райдайой инженерон хызтæ æвæрын. Уый фæстæ та базилдзысты фæзуатмæ.
— Республикæйы паделы федераци фæнд кæны ам стыр турниртæ аразын, раст Уæрæсейы чемпионаттæ дæр. Гæнæн ис æмæ нæм бæстæйы иугонд командæ дæр ссæуа ардæм, ууыл нæ зæрдæ дарæм. Уæрæсейы паделы федераци нын стыр æххуыс кæны, стæй републикæйы хицауад дæр, иумæ æххæст кæнæм ацы инвестицион проект.
Ацы спортивон комплекс уыдзæн фыццаг Цæгат Кавказы. Æххæст æй кæнынц федералон проект “Бизнес-спринт”-ы фæлгæты. Йæ фæзуат у 6900 квадратон метры. Центры фæзынд республикæйы уыдзæн хорз фæрæз цæрджыты цымыдисдзинад спортмæ æмæ æнæниз царды уагмæ бæрзонддæр кæнынæн.
Сопртивон комплексы бынат дæр хуымæтæджы æвзæрст не ‘рцыд. Ам хæстæг ис тхеквондойы галуан, спортивон хъæбысхæстæй цæттæ кæныны центр æмæ физкультурон-дзæбæхгæнæн комплекс. Ног объект байгомкæнынвæнд кæнынц 2027-æм азы райдиан.
