Дзæуджыхъæуы фæзынд дубляжы ног студи. Бæстыхай сифтонг кодтой нырыккон техникæйæ. Сфæлдыстадон лаборатори официалон æгъдауæй нæма байгом. Фæлæ ныронг актёртæ ныффыстой мультипликацион киноныв «Лео и Тиг» 10 серийы. Проект «Родная анимация» 5 азы дæргъы сывæллæттæн лæвар кæны мультиктæ мадæлон æвзагыл. Ирон æвзагыл сдзырдтой «Маша и медведь», «Фиксики», «Три богатыря и Шамаханская Царица».
Дарддæр актёрты зæрды ис кинонывтæ тæлмац кæнын. Проект æххæст кæныц æхæснадон организаци «Ирон федераци»-йы хъæппæрисæй, культурон хъæппæристы президенты фонды æххуысæй. Сæйраг хæс – ирон æвзаг бахъахъхъæнын.
