Ахуырады ног хуыз. Баиу кодта теори æмæ практикæ. Цалæр азы æнтыстсджынæй парахат кæны республикæйы астæуккаг ахуырадон уагдæтты. Зæгъæм, Хæххон-металлургон техникумы студенттæ кусынц вагæттæ цалцæггæнæн заводы. Æрыгон специалисттимæ фембæлд не сфæлдыстадон къорд.
Хæрз æрыгон, фæлæ æнтыстджынæй архайынц сæ хистæр æмкусджытимæ. Ныридæгæн сæхæдæг иртæсынц къуылымпыдзинæдтæ,
цалцæг кæнынц электрон тыхы прибортæ. Цæрионты Арсен у хæххон-металлургон техникумы студент. Афæдзы ‘рдæг нымад у вагæттæ цалцæггæнæн заводы кусæгыл.
Ацы рæстæгмæ фæсивæд бирæ зонындзинæдтæ райстой. Уый дæсны специалистты фæрцы. Уыдон æрыгæтты арæхстдзинадæй разыйæ баззадысты. Сæ хъуыдымæ гæсгæ, сты зæрдæргъæвд, сæ хъомыс та у егъау. Ахæм кадртæ заводы фидæныл хорзы ‘рдæм сахаддзысты.
Техникумы ахуырадон формæ кæны дыууæ дихы – практикон æмæ теорион ахуыртæ. Уый студенттæ теори техникумы куы базонынц, практикон ахуыртæ та куыстуæтты ацæуынц. Ахæм хуызы ахуыртæ парахат кæнынц. Кæд 2018 азы ацы программæйы архайдтой 16 студенты, уæд ацы аз та – 90.
Æртыккæгæм курсы фæстæ Хæххон-металлургон техникумы разамынд студентты ‘хсæн хуыздæрты равзары. Уыдон ацæуынц практикæ, мызд сын нæ бафидынц, афтæмæй. Фæуæлдæр вæййы сæ фæлтддзинад, уæдæ куыстуаты разамонæг та афæдзмæ йæхицæн бацæттæ кæны хъæугæ специалист. Фæнысан кæнын хъæуы уый, æмæ фылдæр хатт студенттæн куыстдæттæг организаци хи хъæппæрисæй мызд уæддæр бафиды.
