Акци «Мы вместе»-йы архайджытæ бабæрæг кодтой санаторий «Тæмискъ». Куыд алы хатт, афтæ ныр дæр афтид къухæй не ‘рбацыдысты. Донбассы цæрджытæн æрбаластой гуманитарон æххуыс. Æнæмæнг хъæугæ дзауматæ, хостæ, хойрæгтæ. Сабитæн та хъазæнтæ. Ныртæккæ санаторийы цæры 76 адæймаджы, уыдонæй 58 сты сывæллæттæ. Бæлвырддæр хабæрттæ нæ уацхæссæджы æрмæджы.
Ацы тыхтонтæ æмæ къоппыты ис, Донбассæй лыгъд адæмы фылдæр цы дзауматæ хъæуы, ахæмтæ. Хойрæгтæ, уæлæдарæс, дзабыртæ, хостæ. Сывæллæтты реабилитацион центр «Тæмискъ»-мæ гуманитарон æххуыс æрбаластой акци «Мы вместе»-йы архайджытæ.
Сывæллæттæ сæ уæгъд рæстæг пайдаимæ куыд æрвитой, уый «Тæмискъ»-ы центры разамонæг хорз зоны. Ахуырадон хъæзтытæ, æхорæнтæ æмæ нывæфтауæн кусæнгæрзтæ. Афтæмæй, сæ æнкъард кæнын нæ уадзынц. Хорз ахаст сæм кæй ис, уый Ясиноватая горæтæй æрцæуæг фæсивæдæн æхцон у. Се ‘хсæн астаздзыд Глеб Колесников дæр.
Хæрзгæнджытæ æрбаластой хостæ дæр.
Сывæллæтты реабилитацион центр «Тæмискъ»-ы ныртæккæ ис 76 адæймаджы Донецкы облæстæй. Уыдонæй 58 сты — авд азæй æстдæс азы онг кæуыл цæуы, ахæм сывæллæттæ. Ам сын ис æппæт æмбæлгæ уавæртæ.
Æппæтуæрæсеон акци «Мы вместе»-йы бархионты штабы лыгъд адæмы курдиæттæм хъус дарынц æппынæдзух. Акцийы бацархайдтой Адæмон фронты активисттæ, фонд «Быть добру», аргъуан «Фарн» æмæ «Уæрæсейы бирæсывæллонджын бинонты иугонд».
