Дзæуджыхъæуы техникумы студенттæ бабæрæг кодтой завод «Разряд». Сæхи цæстæй федтой куыстуаты гæнæнтæ. Æрзылдысты цехтыл. Аныхас кодтой заводы разамындимæ. Ахæм хуызы мадзæл къухы бафтыд Æппæтуæрæсеон адæмон фронт æмæ «Россия – страна возможносте», зæгъгæ, платформæйы руаджы.
Фыццаг бакастæй цымæ ацы адæймаджы къухы арт æмæ авг цыфæнды ас æмæ формæ дæр райсдзысты, фæлæ уый бынтон раст нæу. Йæ куыст у зын æмæ тæссаг. Завод «Разряд»-ыл 60 азмæ `ввах цæуы. Кæддæр ацы кустуат республикæйы раззагдæртæй иу уыд. Æртæ мин адæймагæй фылдæр æрвылбон фыдæбон кодтой нæ бæстæйы хъахъхъæнынады промышленностæн. Ныртæккæ мингай адæмæй куыстуаты фыдæбон кæнынц 70 адæймаджы. Заводмæ ног заказтæ ис, фæлæ дзы кусджытæ та фаг нæй.
Кусджыты нымæц фæфылдæр кæнын, уыимæ ма æрыгон специалистты бацæттæ кæнын къухы бафтдзæн «Профстажировки», зæгъгæ, проекты руаджы. Йæ райрæзтыл архайынц «Æппæтуæрæсеон адæмон фронт» æмæ «Россия – страна возможностей», зæгъгæ, платформæ.
Заводы гæнæнтимæ базонгæ кодтой Дзæуджыхъæуы политехникон техникумы студентты. Фæсивæд бабæрæ кодтой куыстадон цехтæ, Æрныхас кодтой разамындимæ, радтой сæм фарстатæ.
Ахæм хуызы фембæлдыдтæ пайда сты куыд фæсивæдæн, афтæ республикæйы куыстуæттæн дæр.
Проекты фæлгæты ма студенттæн равдисдзысты цалдæр куыстуаты. алкæцыдæр сæ у бирæвæрсыг. Афтæмæй фæсивæдæн фадат уыдзæн фидæны дæсныйад равзарын.
Уазиты Зæлинæ
