50 дæсныйы æмæ 200 куыстмæ ‘ввахс. Дзæуджыхъæуы цæуы Ирыстоны хуыздæр нывгæнджыты равдыст. Экспозицийы фенæн ис алыхуызон техникæмæ гæсгæ конд куыстытæ. Гауызтæй райдай æмæ дзуары нывтæй фæуы. Бæлвырддæр нæ дарддæры æрмæджы.
Афтæ æнæ тынуафæнæй снывæндынц гауыз. Ацы техникæ у тынг цымыдисаг. Уæвгæ Цæгат Ирыстоны ацы куыст стæмтæ кæнынц. Айларты Олланæйы куыстытæй ам ис Дзуары нывтæ æмæ æндæртæ.
Республикæйы нывгæнджыты цæдисы залы ис 50 дæсныйы æмæ 200 аивадон куысты. Нывтæ, ювелирон дзауматæ, скульптурæтæ, дзуары нывтæ, графикæ. Сæ æргътæ равдыст «Арт-Владикавказ»-æй хъауджыдæр не сты. Ис дзы алыхуызон дзауматæ, сæ аргъ дæр уæдæ иухызон нæу. Ирон дæсныты куыстæн сæ аргъ сæдæгай мин сомтæ. Дзырдæн, интеренеты тыгъдады цы дуканитæ ис, уыдоны фæрцы дæр сæ балхæнæн ис. Ныр Ирыстоны конд дзаумайæ спайда кæнын алкæй бон дæр у.
Зæгъын хъæуы уый, æмæ ацы аивадон дзауматæй цалдæр армукъа байгом кæныны размæ ссардтой сæ ног хицæутты. Уазджытæ лæмбынæг алы дзаумамæ дæр кæсынц. Фæнды сæ, цæмæй дзы искæцы сæ хæдзары аккаг бынат æрцахса.
Регионы цæрджытæн бынæттон дæсныты куыстытæ фенӕн, уыимæ дзы зæрдæмæдзæугæдæр самал кæнæн ис 8-æм июлы онг.
