Дзæуджыхъæуы сæхгæдтой базарадон цетртæ «Столица» æмæ «Алания Молл», уыимæ ма «Привоз»-ы базар дæр.
Фæлхасгæнджытæм цæстдарды управленийы куыд фехъусын кодтой, афтæмæй 18 августы æппæт фæткхæлдтытæ дæр фæнысан кодтой сæрмагонд гæххæттыты. Объекттæ сæ куыст бауырæдтой. Административон хъуыддаджы тыххæй гæххæттытæ балæвæрдтой тæрхондонмæ. Уæ зæрдыл уын æрлæууын кæндзыстæм, 23-æм июлæй фæстæмæ республикæйы коронавирусы низ кæй парахат кæны уымæ гæсгæ нысангонд æрцыд маскæтæ дарыны фæтк.
