Республикæйы сæргълæууæджы хæстæ рæстæгмæ æххæстгæнæг Сергей Меняйло федта Беслæны объектты арæзтад. Фыццаджыдæр бабæрæг кодта æрыгон техниктæ æмæ натуралистты станцæтæ.
Объектты ныртæккæ цæуынц мидæггаг куыстытæ. Аив кæнынц бæстыхæйтты алфамблай. Уыцы иу рæстæг дзы æвæрынц хъæрмуæттæ. Æрыгон техниктæ æмæ натуралистты станцæтæ эксплуатацийы ратдзысты фæззæджы. Сергей Меняйло арæзтадон куыстуæттæй домы, цæмæй республикæйы арæзтадон куыстытæ домæнтæн æмбæлгæ дзуапп дæттой. Регионы разамонæгмæ фарстатæ разынд, Ногъайты æфсымæрты номыл уынджы сывæллæтты рæвдауæндон цы подрядон организаци аразы, уымæ.
Августы кæронмæ объекты фæуыдзысты мидæггаг куыстытæ. Фæззæджы райдайдзысты кæрт аив кæнын. Сергей Меняйло ма федта терроризмы профилактикæйы æппæтадæмон культурон-патриотон центры арæзтадон фæзтæ. Рацарæзты проектмæ гæсгæ бахъахъхъæндзысты бæстыхайы хæйттæ. Сергей Меняйло бахæс кодта 2004 азы сентябры цауты æвдисæнтæ ма фесафын.
