Снывыл кæндзысты Дзæуджыхъæуы Сæрибары фæз дæр 9-æм маймæ. Фæз æмæ проспектыл Горькийы уынджы онг сæвæрдзысты гранитæй уæлцъар. Республикæйы сæргълæууæджы ныхæстæм гæсгæ, Сабырдзинады проспект у Дзæуджыхъæуы сæйраг уынг æмæ хъуамæ ахада канд цæрджыты нæ, фæлæ ма туристты цæсты дæр.
2020-æм азы ма кæронмæ баххæст кæндзысты Хетæгкаты Къостайы номыл сæйраг парчы цалцæггæнæн куыстытæ. Раивдзысты аттракционты бынат дæр. Куыд хуыздæр сæ ис раивæн, уый фæдыл бауынаффæ кæндзысты горæты архитекортимæ. Битарты Вячеслав куыд фæнысан кодта, афтæмæй ма горæты баззад бирæ базилинаг æхсæнадон бынæттæ. Зæгъæм, Къесаты уынджы фалейы Терчы былгæрæттæ.
Æмбырды ма ныхас цыд Кировы номыл уынг цы уаæвры ис, ууыл. Битарты Вячеслав фæбæрæг кодта, уынг хъуамæ æнæхъæнæй дæр, кæй аив кæной. Амалхъом адæм æмæ архитектортæм фæсидт, цæмæй Кировы номыл уынджы агъуыстыты фæлгонцтæм сæ цæст дарой. Æппæт ног объекттæ та хъуамæ арæзт уой домæнтæм гæсгæ, горæты фæлгонцыл цæмæй æвзæрырдæм ма ахадой. Уынджы хæстæгдæр рæстæг байгом уыдзæн планетарий.
