«Осетия в сердце моем» – ахæм республикон аивадон æркаст дыккæгæм хатт арæзт æрцыд Дзæуджыхъæуы. Йæ сæйраг нысан у мадæлон æвзаг бахъахъхъæнын. Архайынц дзы нæ республикæйы скъолаты ахуырдзаутæ. Ерысгæнджытæн уыд сæ куыстыты дзырдтой, цæмæн уарзынц сæ райгуырæн бæстæ. Конкурсы уыдис æртæ номинацийы: «Хуыздæр æмдзæвгæ», «Хуыздæр нывæцæн» æмæ «Хуыздæр ныв».
Сæ курдиæттæ балæвæрдтой 500 скъоладзауæй фылдæрæй. Фæнысан кæндзыстæм уый, æмæ куыстытæн се `рдæг уыдысты фыст ирон æвзагыл. Алы номинацийы раиртæстой 3 уæлахиздзауы. Схорзæхджын сæ кодтой кады гæххæттытæ æмæ зæрдылдарæн лæвæрттæй. Æркаст арæзт цæуы Хæрзаудæн Фонд «Фарн»-ы æххуысæй. Йæ бындурæвæрæг у Уæрæсейы Паддзахадон Думæйы депутат Мæхъиты Зураб. Равдыст ахæсдзæн 28-æм декабрмæ. Арæзт у нырыккон аивæдты паддзахадон центры Цæгат Кавказы филиалы.
